Վաշինգտոնում և Օրեգոնում անտառային հրդեհների պատճառով արտակարգ դրություն է հայտարարվել (լուսանկարներ)
ԱՄՆ-ի Վաշինգտոնի նահանգում 860-ից ավելի ընտանիք տարհանվել է և առնվազն 800 շինություն վտանգի տակ հայտնվել անտառային հրդեհների պատճառով, հաղորդում է Fox News-ը:
Հրդեհների պատճառով փակվել է տարածքի գլխավոր ճանապարհը, իսկ առաջացած ծուխը հնարավոր է տեսնել Սիեթլից:
Ուժեղ քամիների և օդի բարձր ջերմաստիճանի պատճառով Վաշինգտոնի և Օրեգոնի նահանգներում հայտարարվել է արտակարգ դրություն: Հրդեհները տարածվել են նաև Նևադայում, Այդահոյում, Յուտայում, Օրեգոնում և Կալիֆոռնիայում:
Հաղորդվում է, որ հրդեհը, որն առաջին անգամ նկատվել է երեքշաբթի, կարող է առաջացած լինել կայծակի հարվածից:
















