Բրիտանացի ոստիկանները պայքարում են հանցավորության դեմ՝ ծաղիկներ տնկելով (լուսանկարներ)
Մեծ Բրիտանիայի Բրիսթոլ քաղաքի ոստիկանները պնդում են, որ գտել են հանցավորության դեմ պայքարի բավական արդյունավետ, սակայն արտառոց միջոց։ Ինչպես նշում է The Daily Mail-ը, իրավապահները հասարակական վայրում ծաղիկներ են տնկել, ինչը, ըստ նրանց, զգալի նվազեցրել է պոտենցիալ հանցագործների ու կարգազանցների հակասոցիալական պահվածքի դրսևորման դեպքերը։

Այս նախագծի վրա իրավապահները մոտ 10.000 դոլար են ծախսել՝ միևնույն ժամանակ գեղեցկացնելով նաև շրջակայքը։
Սակայն ակտիվիստները քննադատել են ոստիկանության նման մոտեցումը՝ նշելով, որ դա հարկատուների փողերի վատնման մեթոդ է, որն էական օգուտ չի տալիս հանցավորության դեմ պայքարում։

Մինչդեռ տեղացիները նշել են, որ նախկինում այգու տարածքում շրջում էին վանդալները, ովքեր գիշերը հարբում էին, բարձր երաժշտություն միացնում, ինչպես նաև միզում տեղանքում։ Սակայն այժմ պարտեզի հայտնվելուն պես հասարակական կարգն այլևս չի խախտվում։











