Ինտերպոլն ուկրաինական ծայրահեղական շարժման առաջնորդ Յարոշի նկատմամբ հետախուզում է հայտարարել

17:54 • 25.07.14

Ուկրաինական «Պրավիյ սեկտոր» ծայրահեղական շարժման առաջնորդ Դմիտրի Յարոշի նկատմամբ Ինտերպոլը միջազգային հետախուզում է հայտարարել։ Յարոշի հետախուզման մասին տեղեկությունը հայտնվել է Ինտերպոլի պաշտոնական կայքում՝ հետախուզվող անձանց մասին բաժնում, հաղորդում է korrespondent.net-ը։

 

Յարոշը հետախուզվում է երկու կետով մեղադրանքների առնչությամբ. «ահաբեկչական գործունեության հրապարակային հրահրում՝ կապված զանգվածային լրատվամիջոցների օգտագործման և ծայրահեղական գործունեության հրապարակային հրահրում ՝ կապված զանգվածային լրատվամիջոցների հետ»։

 

Կայքում նշվում է նաև, որ Յարոշը հետախուզվում է Ռուսաստանի դատական մարմինների կողմից՝ պատիժ կրելու համար։ Ավելի վաղ հաղորդվել էր, որ Ռուսաստանի գլխավոր դատախազությունն Ինտերպոլ «Պրավիյ սեկտոր»-ի առաջնորդի հետախուզման և ձերբակալության համար փաստաթղթեր է ուղարկել։