Ֆարել Ուիլյամսն անվանական աստղ է ստացել Հոլիվուդի Փառքի ծառուղում (լուսանկարներ)

Երաժիշտ Ֆարել Ուիլյամսն ակտիվ գործունեության շնորհիվ Հոլիվուդի Փառքի ծառուղում այժմ ունի իր անվանական աստղը, գրում է buro247.ru-ն։

Հանդիսավոր արարողությանը նա ներկա է եղել իրեն հատուկ սպիտակ գլխարկով, Chanel կարմիր կոշիկներով և իր սեփական հագուստի ապրանքանիշի՝ Billionairе Boys Club-ի բաճկոնով։

41-ամյա երգիչը եղել է իր կնոջ ուղեկցությամբ։ Արարողության ժամանակ ելույթ է ունեցել նաև հայտնի հաղորդավարուհի Էլեն Դեջեներեսը։ 

Հոլիվուդի Փառքի ծառուղում գտնվում են աստղեր, որոնք նվիրված են հայտնի անձնավորություններին, ովքեր մեծ ձեռքբերումներ են ունեցել կինոյի, հեռուստատեսության, երաժշտության, ռադիոյի և թատրոնի ասպարեզներում։