Կաննի կինոփառատոնը կբացի ու կփակի դերասան Լամբեր Վիլսոնը

Կաննի 68-րդ կինոփառատոնը կբացի ու կփակի դերասան Լամբեր Վիլսոնը, ով առավել հայտնի է «Մատրիցա» ֆիլմի 2-րդ և 3-րդ մասերից, հայտնել են փառատոնի ղեկավարները։

Այս տարի միջոցառումը կանցկացվի մայիսի 13-25-ը, փոխանցում է newsru.com-ը։

Նախորդ տարի Վիլսոնը եղել է բացման արարողության հաղորդավարը, ինչպես նաև մասնակցել է մրցանակակիրների պարգևատրմանը։

Կաննի կինոփառատոնի հիմնական մրցույթի ժյուրիի նախագահները կլինեն Ջոել և Իթան Քոենները։ Սա կլինի փառատոնի պատմության մեջ առաջին դեպքը, երբ ժյուրին կգլխավորեն միաժամանակ երկուսը։