18-ամյա Անջելինա Ջոլիի «կորած» լուսանկարները՝ արված British նորաձևության ամսագրի համար (լուսանկարներ)

Անվանի ռեժիսոր և դերասանուհի Անջելինա Ջոլին 18 տարեկան հասակում լուսանկարվել է British Style Magazine նորաձևության ամսագրի համար։ Այդ լուսանկարները վերջերս սկսել են տարածվել համացանցում, գրում է Daily Mail-ը:

Լուսանկարները հրապարակվել էին 1993-ին՝ Honeychild խորագրի ներքո: Հետաքրքրական է, որ այդ ժամանակ Ջոլին դեռ հայտնի չէր, և նրա անունն ամսագրում նույնիսկ սխալ էին տպել՝ Angelina-ի փոխարեն գրելով Anjelina:

Անջելինա Ջոլին առավել հայտնի է դարձել 1993-ին՝ Cyborg 2 ֆիլմում խաղալուց հետո: Նա այժմ զբաղվում է բարեգործությամբ, ՄԱԿ-ի բարի կամքի դեսպանն է։ Հոլիվուդի ամենաբարձր վարձատրվող դերասանուհիների թվին է պատկանում:

2011թ. Ջոլին նկարահանել է «Արյան և մեղրի սահմանագծին» ֆիլմը՝ հանդես գալով որպես ֆիլմի սցենարիստ, պրոդյուսեր ու ռեժիսոր։

Անջելինա Ջոլին ներկայում ապրում է դերասան Բրեդ Փիթի հետ։ Նրանք դաստիարակում են իրենց վեց երեխաներին, որոնցից երեքն իրենց կենսաբանական երեխաներն են, երեքը՝ որդեգիր։