Լեդի Գագան զարմացրել է բոլորին իր «նորմալ» տեսքով (լուսանկարներ)

Ամերիկյան հայտնի երգչուհի Լեդի Գագան, ում համար արդեն սովորական երևույթ է դարձել մարդկանց իր, մեղմ ասած, տարօրինակ արտաքին տեսքով զարմացնելը, այս անգամ որոշել է  անակնկալ մատուցել ու ներկայանալ «նորմալ» տեսքով:

Ինչպես նշում է dailymail.co.uk-ը, երգչուհին մասնակցել է Նոր Օռլեան քաղաքում իր մանկության լավագույն ընկերոջ հարսանեկան արարողությանը` ներկայանալով անչափ կանացի կերպարով:

Քսանութամյա Լեդի Գագան կրել է բաց մանուշակագույն երկար զգեստ, արել մեղմ դիմահարդարում ու «աղջկական» վարսահարդարում: Արդյունքում ստացվել է բավական ռոմանտիկ կերպար, ինչը, անշուշտ, բնորոշ չէ երգչուհու ընտրած ոճին: