Հայոց ցեղասպանությունը՝ ֆոտարվեստի միջոցով. Բելգիայում նոր ցուցահանդես է բացվել (լուսանկարներ)

23:28 • 25.03.15

Հայոց ցեղասպանության հարյուրամյակի առիթով Բելգիայի Musée de la Photographie di Charleroi թանգարանում Պողոսյան հիմնադրամի և Բեյրութի Սբ Հովսեփի համալսարանի հետ համագործակցությամբ կազմակերպվել է Հայոց ցեղասպանության լուսանկարների ցուցահանդես:

Huffington Post-ի փոխանցմամբ` «Հայերը. ճակատագրի լուսանկարներ 1906 – 1939 թթ» խորագրով լուսանկարների ցուցահանդեսում ներկայացված են Սբ Հովսեփի Արևելյան գրադարանի արխիվների նմուշները:

Լուսանկարները հեղինակել են տարբեր ճիզվիտ միսիոներները, ժամանակային ընդգրկումը մեծ է, ցույց են տալիս, որ հայերի դեմ հալածանքները եղել են նաև 1915-ից առաջ: Ցուցադրված են նաև այն վայրերի լուսանկարները, որոնցում հայերն ապրել են:

Աղբյուրի բնորոշմամաբ` լուսանկարները ցուցահանդեսի այցելուներին ականատես են դարձնում իր պատմությամբ ու ավանդույթներով հայ համայնքին, որին դաժանորեն կտրել են իր հողից ու ոչնչացրել:

Հայ դպրոցական երեխաներ Թոկատում