Հայտնի են «Եվրատեսիլ 2015» երգի մրցույթի երկրորդ կիսաեզրափակիչը հաղթահարած երկրների մասնակիցները

Ավարտվեց «Եվրատեսիլ 2015» երգի մրցույթի երկրորդ կիսաեզրափակիչը. արդեն հայտնի են 16 երկրներից եզրափակիչ անցած 10 երկրների մասնակիցները։

Դրանք են՝ Լիտվան, Լեհաստանը, Սլովենիան, Շվեդիան, Նորվեգիան, Մոնտենեգրոն, Կիպրոսը, Ադրբեջանը, Լատվիան, Իսրայելը:

Հիշեցնենք, որ երեկ՝ մայիսի 20-ին, տեղի ունեցավ մրցույթի առաջին կիսաեզրափակիչ փուլը, որի ժամանակ հեռուստադիտողների ու ժյուրիի տված ձայներով եզրափակիչ փուլ անցավ Հայաստանը ներկայացնող Genealogy խումը «Face the Shadow» (թարգմանաբար` «Առերեսվի՛ր ստվերին») երգով: Եզրափակիչ փուլ անցան նաև Ալբանիայի, Ռուսաստանի, Ռումինիայի, Հունաստանի, Էստոնիայի, Հունգարիայի, Վրաստանի, Սերբիայի, Բելգիայի մասնակիցները:

Մրցույթի եզրափակիչ փուլը կկայանա մայիսի 23-ին, որի ընթացքում ելույթ կունենան նաև «Մեծ հնգյակի» երկրները՝ Մեծ Բրիտանիան, Գերմանիան, Իսպանիան, Իտալիան, Ֆրանսիան, ինչպես նաև՝ Ավստրիան՝ որպես «Եվրատեսիլ- 2014»-ի հաղթող: