Ռամզան Կադիրովը նկարահանվել է հոլիվուդյան ռեժիսորի ֆիլմում

Չեչնիայի ղեկավար Ռամզան Կադիրովը գլխավոր դեր է մարմնավորել  «Ով չի հասկացել,  կհասկանա» ֆիլմում, որը նկարահանել է հոլիվուդյան ռեժիսորը: Ինչպես տեղեկացնում է snob.ru-ն`չեչեն  առաջնորդը կինոնկարից հատվածներ  է տեղադրել Instagram-ում:

Կարճ տեսանյութում պատկերվում է` ինչպես է Կադիրովը վազում` հրացանը ձեռքին, և օդ կրակում:
«Դա սուր սյուժե ունեցող ֆիլմ է, որում երկարատև բանակցություններից հետո  համաձայնեցի մարմնավորել գլխավոր հերոսին», - պատմել է Կադիրովը: Նրա խոսքով` ֆիլմում նկարահանվել են «առաջին մեծության համաշխարհային աստղեր, իսկ ռեժիսորը «հայտնի հոլիվուդյան ֆիլմերի հեղինակ է»:

Դեռևս ռեժիսորը մի քանի տեսարան է նկարահանել ֆիլմից: Դեռ հայտնի չէ, թե երբ հանդիսատեսը կտեսնի ֆիլմը, սակայն Կդիրովի խոսքով` ֆիլմը շուտով կհայտնվի կինոթատրոնների էկրաններին: