Յակուտսկում հայկական մշակութային կենտրոն կբացվի

ՌԴ Յակուտսկ քաղաքում այսօր հայկական մշակութային կենտրոն կբացվի, հայտնում է РИА Новости-ն՝ ՌԴ հայերի միության «Երկրամաս» թերթին հղումով։

Կենտրոնի բացման արարողությանը մասնակցելու համար Հայաստանից Յակուտսկ կժամանի պաշտոնական պատվիրակություն՝ ՀՀ Ազգային ժողովի փոխնախագահ Հերմինե Նաղդալյանի գլխավորությամբ։

«Մշակութային կենտրոնի գլխավոր խնդիրներից է կրթությունը։ Այստեղ կսովորեցնեն հայերեն, ռուսերեն և յակուտերեն»,- նշել է տեղի հայ համայնքի նախագահ Անդրանիկ Նավոյանը։

Հայկական մշակութային կենտրոնում կաշխատի 12 մարդ։ Բացման օրը կկայանա մեծ համերգ։

Կենտրոնը կառուցվել է վերջերս բացված հայկական Սուրբ Կարապետ եկեղեցու հարևանությամբ։