«Աշխարհի պատուհանները»՝ պորտուգալացի արվեստագետի գունագեղ ֆոտոնախագիծը (լուսանկարներ)

14:29 • 13.06.15

Պորտուգալացի արվեստագետ Անդրե Վինսենտ Գոնսալվեսը միշտ հետաքրքրված է եղել շենքերի պատուհաններով, դրանց ճարտարապետական գեղեցկությամբ, այդ պատճառով նա սկսել է իր «Աշխարհի պատուհանները» կոչվող նախագիծը, գրում է Bored Panda-ն։

Նա այցելել է Պորտուգալիայի տարբեր քաղաքներ և լուսանկարել ամենատպավորիչ օրինակները, ապա դրանք միացրել է մեկ լուսանկարի մեջ և ստացել գունագեղ պատկերներ։

Գոնսալվեսը սովորել է Էվորայի համալսարանի համակարգչային տեխնոլոգիաների բաժնում, ապա տեղափոխվել Իտալիայում գտնվող Տրենտո համալսարան, որտեղ նա սկսել է տարվել լուսանկարչությամբ և փոխել է մասնագիտությունը։

«Ինչպես տների և շենքերի ճարտարապետությունն ու դիզայնն է փոփոխվում ըստ տարածաշրջանների, այնպես էլ դրանց պատուհանները։ Պատուհանները դարերի ընթացքում մեծ հեղափոխություն են ապրել՝ պատի մեջ սովորական անցքից վերածվելով գեղեցիկ արվեստի գործերի»,-ասել է Գոնսալվեսը։

Վենետիկ