Բրիտանացի դերասան Բենեդիկտ Քամբերբեչը որդի է ունեցել

Բրիտանացի դերասան, Շերլոք սերիալի գլխավոր դերակատար Բենեդիկտ Քամբերբեչը և նրա կինը՝ Սոֆի Հանթերը, որդի են ունեցել։ Այս մասին հայտնում է BBC News-ը՝ ընտանիքի ներկայացուցչին հղումով։

Երեխայի ծննդյան օրվա և անվան մասին լրագրողներին ոչինչ հայտնի չէ։

«Մենք խնդրում ենք հարգել անձնական կյանք ունենալու՝ ամուսինների իրավունքը»,- հայտնել է ամուսինների ներկայացուցիչը։

Հիշեցնենք, որ Բենեդիկտ Քամբերբեչը և դերասանուհի և ռեժիսոր Սոֆի Հանտերն ամուսնացել էին այս տարի փետրվարի 15-ին՝ Անգլիայի հարավում գտնվող Ուայթ կղզում։

Բենեդիկտ Քամբերբեչն ավելի քան 12 տարի հանդիպել է դերասանուհի Օլիվիա Պուլեի հետ, ով նկարահանվել է Շերլոք հեռուստասերալի էպիզոդներից մեկում։

2011 թվականի հունվարին նրանք բաժանվեցին։ Որոշ ժամանակ դերասանը հանդիպում էր դիզայներ Աննա Ջոնսի հետ, սակայն նրանք բաժանվեցին 2011 թվականին, հանդիպումից ամիսներ անց։