Եղանակն՝ այսօր
Հայտնի են դարձել Քըրք Քըրքորյանի՝ Հայոց ցեղասպանության մասին ֆիլմի դերակատարները, ռեժիսորը, սյուժեն
Ամերիկացի լրագրող Ռոջեր Ֆրիդմանը showbiz411.com-ում նոր տեղեկություններ է հայտնել Հայոց ցեղասպանության մասին նոր մեծակտավ ֆիլմի մասին, որը ֆինանսավորում է ամերիկահայ միլիարդատեր Քըրք Քըրքորյանը:
Դեռ փետրվարին Ֆրիդմանը հայտնել էր բուն նախաձեռնության մասին, այժմ էլ նրան մանրամանսեր են հայտնի դարձել:
Ըստ այդմ` Քըրքորյանի ֆիլմը նկարահանելու է «Ռուանդա» հյուրանոցը» ֆիլմի ռեժիսոր Թերի Ջորջը, որը ի դեպ, Ռուանդայի ցեղասպանության մասին է: Ֆիլմը ժամանակին մի քանի անվանակարգում առաջադրվել էր Ամերիկյան կինոակադեմիայի Օսկար մրցանակին: Ըստ լրագրողի` ինքը ռեժիսրոն էր իրեն խնդրել այն ժամանակ մանրամասներ չհայտնել` «քաղաքական նրբանկատության» պատճառով:
Ռեժիսորը մանրամասնել է, թե Առաջին աշխարհամարտի մասին ֆիլմ նկարելու լավագույն տարբերակը սիրային պատմությունն է` «Դոկտոր Ժիվագոյի» պես, սիրային պատմություն` Հայոց ցեղասպանության ֆոնին:
Իսկ սիրային պատմությունը իրենից սիրային եռանկյունի է ներկայացնելու երկու տղամարդու և մի կնոջ միջև: Տղամարդկանց դերակատարներն են հոլիվուդյան աստղեր Քրիստիան Բեյլը և Օսկար Այզեքը:
Արդեն հայտնի է, որ ֆիլմը նկարահանվելու է Իսպանիայում:
Studio One