Եղանակն՝ այսօր
Նիկիտա Միխալկովը պարգևատրվել է Ադրբեջանի «Բարեկամության» շքանշանով
ՌԴ կինոռեժիսոր և դերասան Նիկիտա Միխալկովը պարգևատրվել է Ադրբեջանի «Դոստլուգ» («Բարեկամություն») շքանշանով։ Այդ մասին հայտնի է դարձել Ադրբեջանի նախագահ Իլհամ Ալիևի հրամանագրից, գրում է gazeta.ru-ն:
Միխալկովը մրցանակի է արժանացել «Ադրբեջանի Հանրապետության և Ռուսաստանի Դաշնության միջև մշակութային կապերի զարգացման գործում ունեցած հատուկ ներդրման համար»։
Իլհամ Ալիևը նաև Միխալկովին շնորհավորական ուղերձ է հղել, որում ռեժիսորին անվանել է «ռուսական մշակույթի անվանի գործիչներից մեկը»։
«Հուսով եմ՝ Ձեր բեղմնավոր երկխոսությունն Ադրբեջանի երիտասարդ կինեմատոգրաֆիստների հետ, որ սկսվել է այս տարվա գարնանը, կնպաստի նոր տաղանդների դաստիարակմանը և ադրբեջանա- ռուսական մշակութային կապերի հետագա զարգացմանը»,- ասել է Ալիևը։
Այս տարվա մարտին Ռուսաստանի կինեմատոգրաֆիստների միության նախագահ, Մշակույթի ռուսական հիմնադրամի նախագահ Նիկիտա Միխալկովը ժամանել էր Բաքու, որի շրջանակներում Իլհամ Ալիևի և տեղի կինեմատոգրաֆիստների հետ քննարկել էր երկու երկրների մշակութային համագործակցությունը։
Studio One