Թիմ Բարթոնը ձեռքերի ու ոտքերի դրոշմներն է թողել հոլիվուդյան Փառքի ծառուղում (լուսանկարներ)

14:55 • 09.09.16

Հայտնի ամերիկացի ռեժիսոր Թիմ Բարթոնը Հոլիվուդի Փառքի ծառուղում թողել է ձեռքերի ու ոտքերի դրոշմները, հաղորդում է Reuters-ը:

Նշվում է, որ արարողությունն անցկացվել է TCL չինական թատրոնի մոտ:

«Սա ցնցող է: Ինձ դուր են գալիս տարօրինակ բաները, իսկ սա զարմանալիորեն տարօրինակ բան է»,- ասել է Բարթոնը: Նրա խոսքով` ինքը մեծացել է Լոս Անջելեսում ու հաճախ զբոսնել այդ տարածքով, այնպես որ տեղի ունեցածն «իրոք առանձնահատուկ, սյուրռեալ պատիվ է»:

Աղբյուրը մանրամասնում է, որ ռեժիսորի պատվին ճառ է արտասանել նրա «Բիթլջուս» և «Էդվարդ մկրատ-ձեռքեր» ֆիլմերի աստղ Վայնոնա Ռայդերը: Մասնավորապես՝ նա Բարթոնին շնորհակալություն է հայտնել իր կարիերային նպաստելու համար: