Ամերիկացին կինետիկ ավազի միջոցով արվեստի շարժվող գործեր է ստեղծում (լուսանկարներ, տեսանյութ)

ԱՄՆ-ի Կալիֆոռնիա նահանգի բնակիչ Բրյուս Շապիրոն լայն ճանաչում է ձեռք բերել կինետիկ ավազի միջոցով ստեղծած բացառիկ արվեստի գործերով:

Ինչպես նշում է thisiscolossal.com կայքը, տաղանդավոր տեխնոլոգը մագնիսական սեղանը պատում է կինետիկ ավազի շերտով, ինչից հետո հատուկ սարքի միջոցով մետաղական գնդիկին է փոխանցում նախապես ծրագրավորած շարժումները: Արդյունքում՝ գնդիկը շարժվում է ավազով՝ առաջացնելով անհավանական գեղեցիկ նախշեր:

Հայտնի է, որ Շապիրոն այսկերպ ստեղծագործում է արդեն 20 տարուց ավելի: Նրա աշխատանքները ցուցադրվում են ինչպես թանգարաններում, այնպես էլ մասնավոր օբյեկտներում:
 

Տեսնելով մարդկանց հետաքրքրությունն իր աշխատանքների հանդեպ՝ ամերիկացին Kickstarter կայքում բավականաչափ գումար է հավաքել դրանց զանգվածային արտադրությունը սկսելու համար: