Բրեդ Փիթը պատասխանատվության չի ենթարկվի ինքնաթիռում երեխաների հետ տեղի ունեցած միջադեպի համար. TMZ

Հոլիվուդյան հայտնի դերասան Բրեդ Փիթը պատասխանատվության չի ենթարկվի իրեն ու կնոջը՝ դերասանուհի Անջելինա Ջոլիին պատկանող օդանավում տեղի ունեցած միջադեպի համար:

Ինչպես հայտնում է TMZ-ն, ամերիկյան իշխանությունները, ի հակառակ ԶԼՄ-ներում տարածված տեղեկությունների, իրականում որևէ հետաքննություն չեն անցկացնում Փիթի՝ երեխաների նկատմամբ դաժան վարք ցուցաբերելու գործով:

Աղբյուրը հավելում է, որ սեպտեմբերի վերջին ամուսնալուծության հայց ներկայացրած Ջոլին չի ցանկացել, որ այս հարցի շուրջ հետաքննություն սկսվի:

Ինչպես ավելի վաղ հայտնել էր Tert.am-ը, սեպտեմբերի 14-ին դերասանը, ընտանիքի հետ գտնվելով մասնավոր ինքնաթիռում, զայրացել է, սկսել գոռգոռալ, վիրավորել երեխաներին ու նույնիսկ հարվածել նրանցից մեկին: