Ավստրալացին սատկած մեդուզաներ է տարել ոստիկանություն, կարծելով, թե դրանք զոհերի կրծքերի իմպլանտներ են
Ավստրալիայի բնակիչը ոստիկանական բաժանմունք է տարել մի քանի սատկած մեդուզա և հայտարարել, որ լողափին կրծքի սիլիկոնե իմպլանտներ է հայտնաբերել, որոնք ամենայն հավանականությամբ պատկանում են սպանված կամ խեղդված կանանց:
Ինչպես հաղորդում է Sunshine Coast Daily պարբերականը՝ ոստիկանները փորձել են տղամարդուն բացատրել, որ իր բերած իրեղեն ապացույցներն այնքան էլ այն չեն, ինչ ինքն է կարծում, սակայն վերջինս հասել է նրան, որ ոստիկանությունը վերցնի սատկած մեդուզաները որպես իրեղեն ապացույց:
Արդյունքում գտածոն ստիպած ուղարկել են փորձաքննության և մասնագետները եկել են եզրակացության, որ իրենց առջև ընդամենը մի քանի սատկած կենդանի է:










