Թուրքական կողմը խոսել է ՌԴ-ի հետ հետագա համագործակցության մասին ռուսական օդուժի ավիահարվածից հետո

Ռուսաստանն ու Թուրքիան մտադիր չեն հանձնաժողով ստեղծել ՌԴ օդատիեզերական ուժերին պատկանող ինքնաթիռների իրականացրած ավիահարվածների միջադեպը հետաքննելու համար, որի հետևանքով 3 թուրք զինվոր էր զոհվել:

Ինչպես հաղորդում է Lenta.ru-ն, այս մասին տեղեկացրել է բարձրաստիճան թուրք պաշտոնյան: Նրա խոսքով` հանձնաժողովի կարիք չկա, քանի որ իրավիճակը «պարզ է և հասկանալի»:

Այսօր ավելի վաղ Թուրքիայի Զինուժի հրամանատարությունը հաղորդվել էր ռուսական ավիահարվածների հետևանքով 3 զոհի և 11 վիրավորի մասին: Ավելի ուշ ռուսական կողմը հաստատել էր այդ տեղեկատվությունը` նշելով, որ ավիահարվածը նախատեսված չի եղել:

Ինչպես նշվում էր, կողմերը պայմանավորվել են այսուհետ առավել սերտորեն համագործակցել տեղեկատվության փոխանակման համար: