Կրասնայա Պոլյանայի լեռնադահուկային հանգստավայրում ձյունը «դեղնել» է (լուսանկարներ)

14:54 • 23.03.18

Ռուսաստանի Կրասնոդարի երկրամասի Կրասնայա Պոլյանա քաղաքատիպ ավանի «Ռոզա Խուտոր» լեռնադահուկային հանգստավայրում ձյան թմբերը պատվել են ավազով։ Այս մասին հայտնում է «Говорит Москва» ռադիոկայանը՝ հղում անելով Կրասնոդարի երկրամասի հիդրոօդերևութաբանության և շրջակա միջավայրի մոնիթորինգի կենտրոնին։


Երևույթի ականատեսներից մեկը մեկնաբանել է, որ փոշին Սև ծովի ափ է հասել Սահարայից։ Նրա խոսքով՝ Սահարայից փոշու խիտ ամպերը գալիս են Լիբիայի հյուսիս-արևելքից՝ Կրետե կղզով և Էգեյան ծովով հասնելով Թուրքիա ու Սև ծովի ափ։


Նշվում է, որ օրվա ընթացքում փոշին աստիճանաբար կշարժվի հյուսիս-արևելյան ուղղությամբ։


Կրասնոդարի երկրամասի հիդրոօդերևութաբանության և շրջակա միջավայրի մոնիթորինգի կենտրոնում համաձայն են այս ենթադրության հետ, սակայն ավազի հայտնվելու հստակ պատճառը դեռ չի պարզվել։


Ականատեսները հրապարակել են համապատասխան լուսանկարներն Instagram-ում՝ համեմատելով այն Մարս մոլորակի մակերևույթի հետ։

 

На Красной поляне в Сочи выпал оранжевый снег

Картинка

Картинка