Պապարացիները լուսանկարել են գիրացած ու գրեթե անճանաչելի դարձած Ռասել Քրոուին (լուսանկարներ)

Պապարացիները Սիդնեյի մարզահրապարակներից մեկում «բռնացրել» են 53-ամյա դերասան Ռասել Քրոուին 11-ամյա որդու՝ Թենիսոնի հետ բասկետբոլ խաղալիս։ Նրանք դժվարությամբ են ճանաչել դերասանին, քանի որ վերջինս բավական գիրացել է, գրում է dailymail.co.uk-ը՝ ներկայացնելով լուսանկարներ։

Նշվում է, որ դերասանը հատուկ է այսքան քաշ հավաքել՝ «Անհետացող տղան» ֆիլմում դերակատարման համար։

«Անհետացող տղան» Նիկոլ Քիդմանի ու Ռասել Քրոուի առաջին համատեղ նախագիծն է, նրանք վաղուց էին երազում էկրանին միասին հայտնվելու մասին։ Քրոուն ֆիլմում խաղում է բապտիստական եկեղեցու հոգևոր հովվի դեր, որի որդին դեռ դեռահասության շրջանում հայտնաբերում է իր միասեռական լինելը։

Ծնողների խորհրդով Գարրարդը համաձայնում է «ուղղիչ» թերապիա անցնել՝ հարազատներին, հավատը և հասարակության մեջ իր դերը չկորցնելու համար։ 

Սա առաջին անգամ չէ, երբ Քրոուն կտրուկ փոխում է արտաքինը՝ հանուն դերի։