ԱՄՆ-ն պատժամիջոցների ցանկում ներառել է ևս 38 ռուսաստանաբնակ գործարարի, պաշտոնյայի ու 15 ընկերության

16:54 • 06.04.18

Պաշտոնական Վաշինգտոնը պատժամիջոցների ցանկում ներառել է ևս 38 ռուսաստանաբնակ գործարարի, պաշտոնատար անձի ու 15 ռուսական ընկերության, հայտնում է ria.ru-ն՝ Միացյալ Նահանգների ֆինանսների նախարարությանը հղումով: 

Հայտնի է, որ ցանկում են ներառվել միլիարդատերեր Օլեգ Դերիպասկան, Սուլեյման Քերիմովը, Կիրիլ Շամալովն ու Վիկտոր Վակսելբերգը:

Բացի այդ, ցանկում են ներառվել Ռուսաստանի Դաշնության Անվտանգության խորհրդի քարտուղար Նիկոլայ Պատրուշևը, Դաշնային Խորհրդի միջազգային հարցերով հանձնաժողովի նախագահ Կոնստանտին Կոսաչևը, «Գազպրոմ»-ի ղեկավար Ալեքսեյ Միլերը, ՌԴ ներքին գործերի նախարար Վլադիմիր Կոլոկոլցևը, Ռոսգվարդիայի ղեկավար Վիկտոր Զոլոտովը, ВТБ-ի ղեկավար Անդրեյ Կոստինը։ 


Աղբյուրը մանրամասնում է, որ պատժամիջոցների ցանկում ներառումը ենթադրում է ֆիզիկական և իրավաբանական անձանց՝ Միացյալ Նահանգների տարածքում գտնվող ակտիվների սառեցում, անշարժ գույքի, բանկային հաշիվների կալանք, ինչպես նաև ԱՄՆ մուտք գործելու արգելք: