Մայնի Ֆրանկֆուրտի և Մյունխենի օդանավակայաններում վաղը գործադուլներ կանցկացվեն
Երեքշաբթի՝ ապրիլի 10-ին, Մայնի Ֆրանկֆուրտի և Մյունխենի օդանավակայանների անձնակազմերը գործադուլ կանցկացնեն: Այդ մասին հայտնել է Verdi արհմիությունը, հաղորդում է «ՌԻԱ Նովոստի»-ն:
Ինչպես նշվում է արհմիության կայքում տեղադրված հայտարարությունում, բանակցությունների երկրորդ փուլից հետո գործատուներից առաջարկներ չեն ստացվել:
«Առանց աշխատավարձի զգալի ավելացման մասին պայմանավորվածության՝ այս սակագնային բանակցությունները չեն ավարտվի»,- ասված է հայտարարությունում:
Հաղորդվում է, որ գործադուլին կմիանան նաև Քյոլնի և Բրեմենի օդանավակայանների աշխատակիցները:
Verdi արհմիությունը պահանջում է 6 տոկոսի աշխատավարձի բարձրացում՝ ամսական առնվազն 200 եվրոյով: Կիրակի Պոտսդամում սկսվում է արհմիությունների և գործատուների միջև բանակցությունների երրորդ փուլը:










