Հարավային Կորեայում ևս մի նախկին նախագահ մեղադրվում է կոռուպցիայի համար

14:26 • 09.04.18

Հարավային Կորեայում դատախազությունը մեղադրանք է առաջադրել 2008-2013 թվականներին նախագահած Լի Մյոն Բաքի դեմ՝ մեղադրելով նրան կոռուպցիայի և բյուջեի հաշվին անթույլատրելի ծախսեր կատարելու համար: Այս մասին գրում է АР-ը:

«Նախկին նախագահ Լի Մյոն Բաքը մեղադրվել է կաշառակերության, բյուջեի հաշվին ծախսերի և այլ հանցանքների համար», - ասված է տարածված հաղորդագրության մեջ:

Դատախազությունը մեղադրում է Լիին 10 մլն դոլարի չափով կաշառք ստանալու, ինչպես նաև 33 մլն դոլարի չափով պետական միջոցների ծախսման և 281.270 դոլարի չափով կորպորատիվ հարկերից խուսափելու համար:


Նախկին նախագահը հերքում է իրեն առաջադրված մեղադրանքները:

Հիշեցնենք, որ օրեր առաջ Հարավային Կորեայի մեկ այլ նախկին նախագահ՝ Պակ Կըն Հեն, դատապարտվել է 24 տարվա ազատազրկման: Դատարանը պարզել է, որ նախկին ղեկավարը մտերիմ ընկերուհու՝ պետական պաշտոն չզբաղեցնող, սակայն ներքաղաքական իրավիճակի վրա զգալի ազդեցություն ունեցող Չհվե Սուն Սիլի հետ տասնյակ միլիոնավոր դոլարների կաշառք է ստացել մի շարք խոշոր ընկերություններից՝ այդ թվում նաև Samsung-ից ու Lotte-ից, դրանց գործունեության համար բարենպաստ պայմաններ ստեղծելու համար: