Ալժիրում ռազմական ինքնաթիռի կործանման հետևանքով զոհվել է 257 մարդ (լուսանկարներ)
Ալժիրում՝ Բուֆարիկի օդանավակայանի մոտակայքում, Իլ-76 ռազմատրանսպորտային ինքնաթիռի կործանման հետևանքով զոհվել է առնվազն 257 մարդ: Այդ մասին հայտնել է Ալժիրի քաղաքացիական պաշտպանության վարչությունը, հաղորդում է alg24.net-ը:
Ինչպես հաղորդում է Al Jazeera-ն, Ալժիրի իշխող կուսակցության ներկայացուցիչը հայտնել է, որ ինքնաթիռում են եղել Արևմտյան Սահարայի անկախությանը ձգտող անջատողական շարժման՝ Պոլիսարիո ճակատի 26 անդամներ: Մարոկկոն այդ տարածքը համարում է իր անբաժանելի մասը:
Հաղորդվում է, որ վթարի ենթարկված ինքնաթիռն ուղևորվում էր երկրի հյուսիսից հարավ-արևմուտքում գտնվող Բեչար քաղաք:


















