Կադաֆիի մասին նոր հեռուստասերիալ կնկարահանվի

Amazon ընկերությունը մտադիր է հեռուստասերիալ նկարահանել Լիբիայի նախկին առաջնորդ Մուամար Կադաֆիի կենսագրության մոտիվներով: Այս մասին հայտնում է Deadline-ը:

Նշվում է, որ հեռուստատեսային շոուն կկոչվի «Փոշոտ փոթորիկ»:

Աղբյուրի տվյալների համաձայն՝ էկրանավորմամբ կզբաղվի «Բախում» թրիլլերի ռեժիսոր Մոհամեդ Դիաբը: Հեռուստասերիալը նախատեսված կլինի թե՛ արևտմյան, թե՛ Մերձավոր Արևելքի հանդիսատեսի համար:

Մուամար Կադաֆին 40 տարի եղել է Լիբիայի ղեկավարը: 2011 թվականին Անցման ազգային խորհրդի զինյալները մահապատժի են ենթարկել նրան: