Արևմտյան պետությունների կողմից ցանկացած գործողություն կապակայունացնի տարածաշրջանը. Ասադ
Սիրիայի նախագահ Բաշար ալ Ասադը հայտարարել է, որ արևմտյան պետությունների կողմից ցանկացած գործողություն տարածաշրջանում կմեծացնի անկայունությունը: Այդ մասին հայտնում է Reuters գործակալությունը՝ վկայակոչելով սիրիական պետական հեռուստաընկերությանը:
Սիրիայի նախագահն այդ մասին հայտարարել է Իրանի Իսլամական հեղափոխության հոգևոր առաջնորդի խորհրդական Ալի Աքբար Վելայաթիին և նրա պատվիրակությանը:
«Գրանցված ամեն հաղթանակի հետ որոշ արևմտյան պետությունների ձայները բարձրանում են և գործողություններն ակտիվանում՝ փորձելով փոխել իրադարձությունների ընթացքը… Այս ձայները և ցանկացած գործողություն կնպաստի տարածաշրջանում անկայունության մեծացմանը՝ սպառնալով միջազգային խաղաղությանն ու անվտանգությանը»,- ասել է նա:










