Մերձմոսկվայում 40 երեխայի տեղափոխող ավտոբուսը բախվել է մարդատար ավտոմեքենային
Մոսկվայի մարզի մայրուղիներից մեկում ավտովթար է տեղի ունեցել. 40 երեխայի տեղափոխող ավտոբուսը բախվել է մարդատար ավտոմեքենային: Այս մասին հայտնում է Gazeta.ru-ն՝ հղում անելով Ռուսաստանի ՆԳՆ տարածաշրջանային գլխավոր վարչությանը:
«А107 մայրուղու 61-րդ կիլոմետրի վրա բախվել են ավտոբուսն ու ՎԱԶ-2109 մարդատար ավտոմեքենան: Նախնական տվյալներով՝ ավտոբուսում 40 երեխա է եղել», - ասվում է հաղորդագրության մեջ:
Ինչպես հաղորդվում է, նախնական տվյալներով՝ 6 երեխա հոսպիտալացվել է:
Դեպքի վայրում աշխատում են ոստիկանության աշխատակիցները, վթարի հանգամանքները պարզվում են:
Ականատեսների խոսքով՝ մարդատար մեքենայի վարորդը վթարի հետևանքով մահացել է:










