ԱՄՆ ռազմական նավատորմիղը՝ 12 ռազմանավից բաղկացած խումբը, շարժվում է դեպի Սիրիա. The Daily Mail (լուսանկարներ)

15:02 • 13.04.18

Ամերիկյան տասներկու ռազմանավից բաղկացած հարվածային խումբն ուղևորվում է Սիրիա, այն 2003 թվականին Իրաք ներխուժումից ի վեր ամերիկյան ռազմածովային ուժերի ամենախոշոր կենտրոնացումներից մեկն է, գրում է The Daily Mail-ը:

Դեպի Եվրոպա և Միջին Արևելք է ընթանում հսկա «Հարի Թրուման» ավիակիրը, որը 90 ինքնաթիռ է տեղափոխում և որին ուղեկցում է հինգ ականակիր նավ և հածանավ:

Տեղեկությունների համաձայն՝ արդեն Միջերկրական ծովում կամ դրա մոտակայքում են գտնվում ևս չորս ականակիր նավեր, այդ թվում՝ «Տոմահավկ» տեսակի 60 հրթիռներով զինված «Դոնալդ Քուք»-ը, «Պորտեր»-ը, «Քարնի»-ն և «Լաբուն»-ը՝ երկու միջուկային սուզանավերի հետ միասին:

Հարվածային խմբի հետ է նաև «Հեսսեն» գերմանական արագընթաց հածանավը։

Սիրիական ռեժիմի դաշնակից Ռուսաստանի և Արևմուտքի միջև առճակատման հեռանկարը խիստ հավանական է դարձել այն բանից հետո, երբ ապրիլի 11-ին ԱՄՆ նախագահ Դոնալդ Թրամփն իր թվիթերյան էջում հայտարարեց Սիրիայի դեմ իրականացվելիք հրթիռային հարվածի մասին: Իր այդ հայտարարությունից հետո Թրամփը մեղմեց իր դիրքորոշումը, և Սպիտակ տունը հայտարարեց, որ հնարավոր գործողությունների վերաբերյալ վերջնական որոշում չի կայացվել:

Ռուսաստանը նախազգուշացրել է Արևմուտքին հարձակում չիրականացնել իր դաշնակից Բաշար ալ Ասադի դեմ և սպառնացել է կործանել Սիրիայի ուղղությամբ արձակված հրթիռները:

Մեծ Բրիտանիայի վարչապետ Թերեզա Մեյը հեռախոսազրույց է ունեցել Թրամփի հետ։ Նրանք համաձայնել են, որ կարևոր է արձագանքել Ասադի կողմից քիմիական զենքի օգտագործմանը և որ նրանք կշարունակեն համակարգել այդ ուղղությամբ իրենց քայլերը:


Ֆրանսիայի նախագահ Էմանուել Մակրոնն, իր հերթին, հայտարարել է, որ Ֆրանսիան ապացույցներ ունի, որ Սիրիայի կառավարությունը քիմիական հարձակում է իրականացրել Դամասկոսի մոտակայքում:

The giant nuclear powered USS Harry S Truman, carrying 90 aircraft and escorted by its five-strong strike group of destroyers and cruisers, is powering towards Europe and the Middle East

The Arleigh Burke-class destroyer USS Farragut (pictured) is among the ships accompanying the giant aircraft carrier

Also in or near the Mediterranean is the USS Porter, pictured here launching a Tomahawk land attack missile in 2003

The guided-missile cruiser USS Normandy (pictured) is also steaming towards Europe and the Middle East

The 500ft USS Laboon destroyer (pictured), also armed is reported to be among US warships already deployed in the area. It is shown launching a Tomahawk cruise missile in an attack on southern Iraq in 1996

The USS Georgia, an Ohio-class submarine carrying guided missiles, is also said to be in the area

Family members look on as the U.S. Navy aircraft carrier USS Harry S. Truman departs with its carrier strike group towards the Middle East from Naval Station Norfolk, Virginia, on April 11