Տորոնտոյում միկրոավտոբուսը զանգվածային վրաերթի է ենթարկել հետիոտների, կա շուրջ 10 տուժած
Կանադայի Տորոնտո քաղաքում միկրոավտոբուսը զանգվածային վրաերթի է ենթարկել հետիոտների խմբի, այս մասին հայտնում է տեղի ոստիկանության Twitter-յան պաշտոնական էջը:
Նշվում է, որ պատահարի արդյունքում տուժել է 10 մարդ:
Վարորդի ինքնության մասին տեղեկություններ չեն հրապարակվել:
«Ճերմակ միկրոավտոբուսը վրաերթի է ենթարկել մեծաթիվ անցորդների Յոնգ Սթրիթի Ֆինչի հատվածում… Տուժածների ծանրության աստիճանը հայտնի չէ, տուժել են, հավանաբար, 8-10 հոգի», - ասված է հայտարարության մեջ:
Հայտնի է, որ թաղամասի մուտքն ու ելքը փակվել են:
Այլ մանրամասներ չեն հաղորդվում:










