Հայ ժողովուրդը վեհ ժողովուրդ է. ՌԴ ԱԳՆ խոսնակը գրառում է կատարել
Ռուսաստանի արտաքին գործերի նախարարության մամուլի խոսնակ Մարիա Զախարովան արձագանքել է Հայաստանում զարգացող իրադարձություններին:
«Ժողովուրդը, որն ուժ ունի իր պատմության նույնիսկ ամենաբարդ պահերին չպառակտվել ու պահպանել հարգանքը միմյանց նկատմամբ՝ չնայած կտրուկ տարաձայնությունների՝ վեհ ժողովուրդ է», - գրել է Զախարովան ֆեյսբուքյան իր էջում:
Իր գրառման վերջում Զախարովան հավելել է՝ «Հայաստա՛ն, Ռուսաստանը միշտ քեզ հետ է»:
Հիշեցնենք, որ ՀՀ վարչապետ Սերժ Սարգսյանը հանդես է եկել հայտարարությամբ, որում ասել է, որ թողնում է Հայաստանի վարչապետի պաշտոնը։










