Պատմական ձեռքսեղմում. հանդիպել են Հյուսիսային և Հարավային Կորեաների ղեկավարները (լուսանկարներ, տեսանյութ)

09:24 • 27.04.18

Հյուսիսային և Հարավային Կորեաների առաջնորդներ Կիմ Չեն Ընն ու Մուն Չժե Ինը պատմական հանդիպում են ունեցել երկու պետությունների սահմանագծին՝ լրագրողների առջև իրար ողջունելով ու ձեռք սեղմելով:

Ինչպես հաղորդում է The Guardian-ը, դրանից հետո ղեկավարներն անցել են բուն բանակցային գործընթացին, որը տեղի է ունեցել սահմանային Պհանմունջոմ բնակավայրում:

Հայտնի է, որ բանակցությունների առաջին փուլն ավարտված է: Դրա արդյունքներից պարզ է դարձել, որ Կիմ Չեն Ընը կոչ է արել վերջ տալ երկու պետությունների միջև առճակատմանը, մինչդեռ Մուն Չժե Ինն առաջարկել է կարգավորել երկրների միջև երկաթուղային հաղորդակցությունը:

Նշվում է, որ օրվա ընթացքում Կիմ Չեն Ընն ու Մուն Չժե Ինը մտադիր են քննարկել  Փհենյանի ու Սեուլի հարաբերությունների կարգավորման վերաբերյալ մի շարք հարցեր:

Պարբերականը նկատում է, որ Կիմ Չեն Ընը դարձել է վերջին 65 տարվա ընթացքում առաջին հյուսիսկորեացի առաջնորդը, որը հատել է սահմանն ու անցել Հարավային Կորեայի տարածք:

Հիշեցնենք, որ թեև Կորեական պատերազմն ավարտվել է 1953թ., այնուհանդերձ երկու պետությունները շարունակում են տեխնիկապես պատերազմի մեջ մնալ:

 

The two leaders shook hands while standing over the world's most heavily defended border before taking turns to cross over from north to south

Smiling broadly and exchanging greetings, the two shook hands for a long time, looking from outward appearances like old friends

At the historic moment when the two leaders held hands across the Military Demarcation line that bisects the rivals, Kim said that his heart 'keeps throbbing

Two fifth-grade students from the Daesongdong Elementary School, the only South Korean school within the DMZ, greeted the leaders and gave Kim flowers

 Kim and Moon strode past an honor guard and military band, before Moon introduced Kim to South Korean government officials