ԱՄՆ-ն և Թուրքիան համակարգում են իրենց գործողությունները Սիրիայի հյուսիսում

20:20 • 27.04.18

ԱՄՆ-ն և Թուրքիան համակարգում են իրենց գործողությունները Սիրիայի հյուսիսում: Այդ մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, հաղորդում է «ՌԻԱ Նովոստի»-ն:

«Անկարա իմ այցի ընթացքում հայտարարվել է, որ ԱՄՆ-ն և Թուրքիան սերտ փոխանակվում են կարծիքներով, թե ինչպես կարելի է առաջ շարժվել Սիրիայի հյուսիսում անհարկի խնդիրներից խուսափելու նպատակով առավել լավ համագործակցություն ապահովելու համար»,- ասել է նա լրագրողներին:

Ստոլտենբերգը նաև նշել է, որ ՆԱՏՕ-ի անդամների շրջանում տարաձայնություններ կան Սիրիայի վերաբերյալ:

«Մենք քննարկել ենք մի շարք հարցեր, որոնց առնչությամբ ՆԱՏՕ-ի անդամները որոշակի տարաձայնություններ ունեն, մասնավորապես Սիրիայի հյուսիսում իրավիճակի առնչությամբ»,- ասել է ՆԱՏՕ-ի գլխավոր քարտուղարը: