ԱՄՆ սենատորն առաջարկել է Թրամփին խաղաղության Նոբելյան մրցանակ շնորհել
Ամերիկացի հանրապետական սենատոր Լինդսի Գրեհեմը հայտարարել է, որ եթե ԱՄՆ նախագահ Դոնալդ Թրամփին հաջողվի առաջընթացի հասնել Կորեական թերակղզու վրա հակամարտության կարգավորման հարցում, նա արժանի կլինի խաղաղության Նոբելյան մրցանակի: Այդ մասին սենատորը հայտնել է Fox News հեռուստաալիքին:
«Դոնալդ Թրամփը համոզել է Հյուսիսային Կորեային և Չինաստանին, որ լուրջ է վերաբերում փոփոխություններին: Մենք դեռ դրան չենք հասել, բայց եթե դա տեղի ունենա, ապա նախագահ Թրամփն արժանի է խաղաղության Նոբելյան մրցանակի»,- ասել է Գրեմը:
Հիշեցնենք, որ ԱՄՆ նախկին նախագահ Բարաք Օբաման խաղաղության Նոբելյան մրցանակ է ստացել «միջազգային դիվանագիտության և մարդկանց միջև համագործակցության ամրապնդման» համար 2009 թվականի հոկտեմբերին: Նա ԱՄՆ երրորդ նախագահն է դարձել, որ ստացել է այդ մրցանակը: Այդ մրցանակին են նաև արժանացել ԱՄՆ 26-րդ նախագահ Թեոդոր Ռուզվելտը և 28-րդ նախագահ Վուդրո Վիլսոնը:










