Հրդեհ Մերձմոսկվայում. 2 երեխա մահացել է, 1-ը՝ հոսպիտալացվել  

23:18 • 29.04.18

Մերձմոսկվայի Եգորևսկ քաղաքում հրդեհ է բռնկվել երկհարկանի շենքի բնակարանում, ինչի հետևանքով 2 երեխա է մահացել: Այս մասին հայտնում է Russia Today՝ վկայակոչելով ՌԴ Քննչական կոմիտեի տարածաշրջանային վարչությանը: 

«Ապրիլի 29-ին Եգորևսկ քաղաքի բնակարաններից մեկում, որը տեղակայված է երկհարկանի շենքի երկրորդ հարկում, երկու մանկահասակ երեխայի մարմին է հայտնաբերվել»,-ասվում է գերատեսչության հաղորդագրության մեջ: 

Նշվում է, որ ևս մեկ երեխա անգիտակից վիճակում հիվանդանոց է տեղափոխվել: 

Հաղորդվում է, որ քրեական գործ է հարուցվել անզգուշությամբ երկու և ավելի մարդկանց մահվան պատճառ դառնալու մասին հոդվածով: