Մոսկվա-Գյումրի չվերթն իրականացնող օդանավը հարկադիր վայրէջք է կատարել Մինվոդիում

12:23 • 30.04.18

Մոսկվայից Գյումրի թռչող ինքնաթիռը սրահում ծխող տղամարդու պատճառով հարկադիր վայրէջք է կատարել Միներալնիե Վոդի քաղաքում:

Այդ մասին հայտնել է Ռուսաստանի Դաշնության ներքին գործերի նախարարության պաշտոնական ներկայացուցիչ Իրինա Վոլկը, հաղորդում է «ՌԻԱ Նովոստի»-ն:

Ինքնաթիռի անձնակազմի ղեկավարը թռիչքի ընթացքում ուղևորներից մեկի ծխելու փաստի առնչությամբ օգնության համար դիմել է տրասնպորտային ոստիկանության աշխատակիցներին:

Միներալնիե Վոդիի օդանավակայանում ոստիկանական բաժնի աշխատակիցները վարչական արձանագրություն են կազմել 1947թ. ծնված ուղևորի նկատմամբ: