Քաբուլում երկու պայթյուն է որոտացել. կան զոհեր և տուժածներ

11:37 • 30.04.18

Աֆղանստանի մայրաքաղաք Քաբուլում երկու պայթյուն է որոտացել, հաղորդում է Associated Press գործակալությունը։

Նշվում է, որ հարձակման հետևանքով մահացել է առնվազն 7 մարդ, կա 20 տուժած։

Քաբուլի իշխանությունները հայտնել են, որ մահացածներից մեկը լրագրող է, երկուսը՝ ոստիկան։

Պայթուցիկներից մեկը գործի է դրվել Աֆղանստանի Անվտանգության ազգային ղեկավարության շենքի մոտ։  Չի բացառվում, որ հարձակումն իրականացվել է մահապարտ ահաբեկչի միջոցով։

Մյուս պայթուցիկ սարքը գտնվել է մոտոցիկլետի մեջ։

Առայժմ որևէ ահաբեկչական խմբավորում չի ստանձնել հարձակման պատասխանատվությունը։