Եկատերինբուրգում հրդեհ է բռնկվել 9 հարկանի շենքում

09:58 • 01.05.18

Ռուսաստանի Եկատերինբուրգ քաղաքում հրդեհ է բռնկվել 9 հարկանի շենքում, հաղորդում է РИА Новости գործակալությունը՝ հղում անելով Արտակարգ իրավիճակների նախարարության տարածքային վարչության կայքին։

Հրդեհը բռնկվել է շենքի 7-րդ հարկում՝ ենթադրաբար պայթյունից հետո։

Ենթադրյալ պայթյունի մասին տեղեկությունն ու դրա պատճառները դեռևս ճշտվում են։

Ըստ հաղորդագրության՝ հրդեհը տարածվել է շուրջ 30 ք/մ մակերեսով, տարհանվել է 16 մարդ՝ այդ թվում 3 երեխա։ Հրդեհի մարման աշխատանքներին մասնակցում է 29 հրշեջ-փրկարար և 8 միավոր տեխնիկա։

Այլ մանրամասներ առայժմ չեն հաղորդվում։