Մոսկվայի ադրբեջանական համայնքը պառակտվել է համայնքի ղեկավարի դստեր՝ հայի հետ ամուսնության պատճառով․ РУСАРМИНФО
Մոսկվայում ադրբեջանական համայնքի ղեկավար Աղադադաշ Քերիմովի դստեր՝ ազգությամբ հայ երիտասարդ գործարարի հետ ամուսնությունը տարաձայնությունների ու պառակտության պատճառ է դարձել ադրբեջանական համայնքի ներսում, գրում է РУСАРМИНФО-ն։
Ըստ աղբյուրի՝ երկու երիտասարդների սերն ի սկզբանե պառակտում էր առաջացրել աղջկա ընտանիքում, ինչի հետևանքով նրա հայրը, որը դեմ էր զույգի ամուսնությանը, որոշ ժամանակով նույնիսկ բաժանվել էր ազգությամբ հայ կնոջից։
Սակայն ավելի ուշ ներընտանեկան կոնֆլիկտները հարթվել են, իսկ երիտասարդ զույգի ընտանիքները միասին ու մեծ ուրախությամբ տոնել են զավակների հարսանիքը, որի ժամանակ հնչել են ադրբեջանական ու հայկական երգեր։
Մինչդեռ տեղի ադրբեջանական համայնքում ոչ բոլորն են այս հարցում համակարծիք իրենց առաջնորդի հետ, շատերը հավանություն չեն տալիս նրա որոշմանը:
Նշվում է, որ թեև ոմանք ըմբռնումով են մոտեցել համայնքի ղեկավարի նման որոշմանն ու աջակցել նրան, այնուամենայնիվ, ադրբեջանիցների մի մասը շարունակում է չընդունել այդ միությունը՝ քննադատելով Քերիմովի քայլը։










