Կատալոնիայի խորհրդարանը թույլ է տվել կառավարության նախագահին ընտրել հեռակա կարգով
Կատալոնիայի խորհրդարանը մայիսի 4-ին հավանության է արժանացրել օրենսդրության բարեփոխումները, որոնք թույլ են տալիս հեռակա կարգով կառավարության նախագահի ընտրության գործընթաց անցկացնել, հաղորդում է «ՌԻԱ Նովոստի»-ն:
«Խորհրդարանը հավանության է արժանացրել նախագահության մասին օրենքի փոփոխությունները, որոնք ենթադրում են առանց թեկնածուի ներկայության կառավարության ղեկավարի հաստատման առնչությամբ քննարկումներ անցկացնելու հնարավորությունը»,- ասված է Twitter-ում Կատալոնիայի խորհրդարանի էջում:
Հաղորդվում է, որ օրենսդրությունում փոփոխություն իրականացնելու համար տրվել է մոտ 70, դեմ՝ 64 ձայն:
Իսպանիայի սահմանադրական դատարանը հունվարի վերջին վճռել էր, որ Կատալոնիայի՝ Բրյուսել մեկնած նախկին ղեկավար Կառլես Պուչդեմոնը կարող է հաստատվել կառավարության նախագահի պաշտոնին՝ միայն անձամբ ներկա լինելով խորհրդարանում: Այնուամենայնիվ, Իսպանիա այցի դեպքում Պուչդեմոնին սպառնում է ազատազրկում:










