Կանադայում ամպրոպի և ուժեղ քամու հետևանքով երկու մարդ է մահացել
Կանադայի Օնտարիո նահանգում ամպրոպի և ուժեղ քամու հետևանքով երկու մարդ է մահացել։ Այս մասին հայտնում է CTV հեռուստաալիքը։
Աղբյուրի տվյալների համաձայն՝ Միսիսոգա քաղաքում ծառի անկման հետևանքով մահացել է տղամարդը, որն ամպրոպից առաջ կտրում էր ծառի վերևի ճյուղերը, իսկ նրա գործընկերը հոսպիտալացվել է։
Նշվում է, որ երկրորդ մահացածը Համիլտոն քաղաքում փորձել է ճանապարհի երթևեկելի մասից հեռացնել էլեկտրական գծի մետաղալարը։
Դրանից բացի, մոտ 200 հազար տուն մնացել է առանց էլեկտրամատակարարման։ Աղետի հետևանքով դադարեցվել է Լեսթեր Փիրսոնի անվան Տորոնտոյի Միջազգային օդանավակայանի աշխատանքը։










