Ֆրանսիայի նախագահը Պուտինի հետ «պատմական երկխոսության» ցանկություն ունի
Ֆրանսիայի նախագահ Էմանուել Մակրոնը Journal du Dimancheр հանդեսին տված հարցազրույցում խոստովանել է, որ կցանկանար «պատմական ու ռազմավարական երկխոսություն» սկսել իր ռուս գործընկեր Վլադիմիր Պուտինի հետ:
Ինչպես նշում է ria.ru-ն, Մակրոնը նաև ընդգծել է, որ մտադիր է այնպես անել, որ Ռուսաստանն ու Եվրոպան նորից «լեզու գտնեն», ու այդպիսով թույլ չտալ, որ «Ռուսաստանն ինքն իր մեջ փակվի»:
«Վլադիմիր Պուտինը երազում է Ռուսաստանին վերադարձնել իր հզորությունը: Ինձ համար Ռուսաստանը Եվրոպայի մի մասն է, նույնիսկ եթե Ռուսաստանը գրեթե երբեք չի իմացել, թե ինչ ասել է այն ժողովրդավարությունը, որում մենք ապրում ենք»,- ասել է Ֆրանսիայի նախագահը:










