Ռուսները նշել են Պուտինի գլխավոր ձեռքբերումները ՌԴ նախագահի պաշտոնում
Ռուսաստանցիները ՌԴ նախագահի պաշտոնում Վլադիմիր Պուտինի գլխավոր ձեռքբերումներն են համարում երկրին հզոր, հարգված պետության կարգավիճակի վերադարձը (47 տոկոս), Հյուսիսային Կովկասում իրավիճակի կայունացումը (38 տոկոս) և անջատողական տրամադրությունների հաղթահարումը (27 տոկոս), հայտնում է rbc.ru-ն՝ «Լևադա կենտրոն»-ի ուսումնասիրությանը հղումով։
Հարցվածների 24 տոկոսը նշել է աշխատավարձերի, նպաստների, կենսաթոշակների բարձրացումը, 22 տոկոսը՝ բարեփոխումների իրականացումը։
Պուտինին ուղղված դժգոհություններից են սոցիալական խնդիրները։ Մասնավորապես՝ հարցվածների 27 տոկոսը հայտնել է, որ Պուտինը չի կարողացել հաղթահարել երկրի տնտեսական ճգնաժամը և կանգնեցնել արտադրողականության անկումը: 45%-ն էլ նշել է, որ ՌԴ նախագահին չի հաջողվել ապահովել եկամուտների արդար բաշխումը։
23 տոկոսն էլ համարում է, որ նա չի ապահովել օրենքի գերակայությունը երկրում։
Հարցումն անցկացվել է ապրիլի 20-24-ը, մասնակցել է 1600 մարդ։










