Մոսկվայում Պուտինին կոնյակ հյուրասիրել փորձած հայազգի գործարարին տարել են հոգեբուժարան. լրատվամիջոցներ

10:22 • 09.05.18

Ռուսաստանի Դաշնության պահպանության դաշնային ծառայության աշխատակիցները Կրեմլի պալատի մոտից բերման են ենթարկել հայազգի գործարար Արման Թավմասյանին (Арман Тавмасян), որը փորձել է հանդիպել ՌԴ նախագահ Վլադիմիր Պուտինի հետ ու կոնյակ հյուրասիրել նրան։

Ինչպես գրում է Mash առցանց լրատվական նախագիծը, Թավմասյանը վաղ առավոտյան իր մեքենայով մոտեցել է Կրեմլին, իրավապահները կանգնեցրել են հայ գործարարին, ինչը զայրացրել է վերջինիս։

Թավմասյանը բացատրել է, որ պետք է հանդիպի նախագահին, լուրջ գործեր քննարկի նրա հետ ու կոնյակ հյուրասիրի։

Նշվում է, որ գործարարին նախ բերման են ենթարկել ոստիկանական բաժանմունք, իսկ հետո տարել հոգեբուժական կլինիկա։

Այլ մանրամասներ չեն հաղորդվում։