Վրաստանում հանցագործությունների թիվը կրկնակի աճել է. երկրի ՆԳՆ

10:45 • 10.05.18

Վրաստանում 2018 թվականի մարտին գրանցված հանցագործությունների թիվն ավելացել է 55,72 տոկոսով՝ նախորդ տարվա ցուցանիշների համեմատ: Այդ մասին են վկայում Վրաստանի ՆԳՆ կայքում հրապարակված վիճակագրական տվյալները, գրում է apsny.ge-ն:

Այս տարվա մարտին Վրաստանում գրանցվել է մոտ 5.400 հանցագործություն, մինչդեռ 2017 թվականի նույն ժամանակահատվածում հանցագործությունների ընդհանուր թիվը եղել է մոտ 3.500: Նշվում է, որ այս տարվա մարտին բացահայտվել է հանցագործությունների 26,91 տոկոսը:

Վիճակագրական տվյալների համաձայն՝ 2018 թվականի մարտին ամենաշատը գրանցվել են սեփականության դեմ իրականացված հանցագործություններ՝ 2.200: Երկրորդ տեղում են մարդու առողջության դեմ իրականացված հանցագործությունները, երրորդ տեղում՝ տրանսպորտի շահագործման կանոնների խախտման հետ կապված հանցագործությունները: