Իսրայելական հրթիռը Սիրիայում ռուսական «Պանցիր-Ս1» է ոչնչացրել (տեսանյութ)

16:43 • 11.05.18

Իսրայելի պաշտպանության բանակը տեսանյութ է հրապարակել, որում իսրայելական Spike NLOS հրթիռը հարվածում է սիրիական բանակին պատկանող ռուսական «Պանցիր-Ս1» զենիթային հրթիռաթնդանոթային համալիրին: Այդ մասին հայտնում է lenta.ru-ն:

Տեսանյութը նկարահանված է հրթիռի վրա տեղակայված տեսախցիկից: Կադրերում կարելի է տեսնել համալիրի մոտակայքում կանգնած երեք մարդուց բաղկացած խմբի: Համալիրին հրթիռի մոտենալուն պես պատկերը կորում է:


Իսրայելի պաշտպանության բանակը հայտնել է, որ հարձակումը Սիրիայում Իրանի դիրքերին ուղղված մասշտաբային հարվածի մաս է եղել։ 


Հաղորդվում է, որ սա Սիրիայում նման տեխնիկայի կորստի մասին առաջին հաստատված տեղեկությունն է:

Իսրայելցի զինվորականները լույս մայիսի 10-ին հարձակվել են Սիրիայի տարածքում իրանական ուժերի օբյեկտների վրա՝ այդկերպ պատասխանելով Գոլանի բարձունքներից իրենց դիիքերի հրթիռակոծությանը: