Գազայի հատվածի և Իսրայելի սահմանին բախումներ են սկսվել՝ Երուսաղեմում ԱՄՆ դեսպանատան բացմանն ընդառաջ (ուղիղ միացում, լուսանկարներ)

13:41 • 14.05.18

Գազայի հատվածի և Իսրայելի սահմանին բախումներ են սկսվել պաղեստինցիների և իսրայելական ուժերի միջև՝ Երուսաղեմում ԱՄՆ դեսպանատան բացմանն ընդառաջ: Այդ մասին հայտնում է AFP գործակալությունը:

Գազայի հատվածի առողջապահության նախարարության տվյալների համաձայն՝ վիրավորվել է 12 պաղեստինցի:

Մի քանի հազար պաղեստինցի է հավաքվել սահմանի մոտ, իսկ մի խումբ այլ պաղեստինցիներ, քարեր նետելով, մոտեցել են ցանկապատին: Հակառակ կողմում տեղակայվել են իսրայելցի դիպուկահարները:

Երուսաղեմում ԱՄՆ դեսպանատան բացումը նախատեսված է տեղի ժամանակով ժամը 16.00-ին:

Մարտի 30-ից ի վեր Գազայի սահմանին սկսված բախումների և ցույցերի ընթացքում 54 պաղեստինցի է սպանվել իսրայելական ուժերի կողմից:

Հիշեցնենք, որ Երուսաղեմում այսօր՝ մայիսի 14-ին, կկայանա Թել Ավիվից այդ քաղաք տեղափոխված ԱՄՆ դեսպանատան բացման արարողությունը:

Բացման արարողությանը Վաշինգտոնից ժամանել է մոտ 250 մարդուց բաղկացած պատվիրակություն: Այն կգլխավորի ԱՄՆ պետքարտուղարի տեղակալ Ջոն Սալիվանը: ԱՄՆ նախագահ Դոնալդ Թրամփը ներկա չի գտնվի։

Բացի այդ, դեսպանատան բացմանն այցելելու են ԱՄՆ նախագահի դուստր և խորհրդական Իվանկա Թրամփը, ինչպես նաև նրա ամուսինը՝ նախագահի ավագ խորհրդական Ջարեդ Քուշները:

Դոնալդ Թրամփի՝ Թել Ավիվից դեսպանատան տեղափոխման որոշումն առաջացրել է պաղեստինցիների վրդովմունքը, որոնք Արևելյան Երուսաղեմը համարում են իրենց ապագա պետության մայրաքաղաքը: Հազարավոր պաղեստինցիներ են հավաքվում Իսրայելը և Գազայի հատվածը բաժանող պատնեշի երկայնքով՝ ի նշան բողոքի:

 

 

A female Palestinian demonstrator at the Israel-Gaza border, east of Gaza City May 14, 2018

Palestinians protest near the Gaza-Israel border, July 14, 0218.

A Palestinian demonstrator drags a burning tire during a at the Israel-Gaza border, May 14, 2018

Protests at Gaza border, May 14, 2018

A man carries tires to be burnt as Palestinians prepare to demonstrate along the border with the Gaza strip, east of Jabalia on May 14, 2018.