«Ես ինձ աշխարհի ամենաերջանիկ մայրիկն եմ զգում». Քիմ Քարդաշյանի գրառումը Մայրերի օրվա առթիվ
Ամերիկահայ հեռուստաաստղ Քիմ Քարդաշյանը հայտարարել է, որ իրեն աշխարհի ամենաերջանիկ մայրն է զգում՝ Լոս Անջելեսում իր երեխաների հետ Մայրերի օրը նշելով, գրում է The Daily Mail-ը:
Իրապատում շոուների 37-ամյա աստղը տոնի կապակցությամբ իր երեք երեխաների հետ լուսանկար է հրապարակել սոցցանցերում:
«Չեք պատկերացնում, թե այս նկարի համար որքան սառնաշաքարի տեսքով կաշառք եմ տվել… Բայց դա արժեր: Շնորհավո՛ր Մայրերի տոնը, սիրելի՛ մայրիկներ»,- գրել է նա նկարին կից:
ԱՄՆ-ում Մայրերի օրը նշվում է մայիսի երկրորդ կիրակի օրը։











