Պուտինը ԵԱՏՄ առաջնահերթությունների շարքում նշել է տնտեսական արգելքների վերացումն ու թվային տեխնոլոգիաների զարգացումը

22:07 • 14.05.18

Ռուսաստանն առաջնահերթ է համարում տնտեսական արգելքների վերացումն ու թվային տեխնոլոգիաների զարգացումը Եվրասիական տնտեսական միութան շրջանակներում:

Ինչպես փոխանցում է ТАСС գործակալությունը, այս մասին Եվրասիական տնտեսական բարձրագույն խորհրդի՝ ընդլայնված կազմով նիստում հայտարարել է ՌԴ նախագահ Վլադիմիր Պուտինը:

Նրա խոսքով՝ Ռուսաստանը, որն ընթացիկ տարում նախագահում է ԵԱՏՄ-ում, նեղ կազմով գագաթնաժողովում հայտնել է 2018 թվականին կատարվելիք իտեգրացիոն աշխատանքի օրակարգի վերաբերյալ իր նկատառումները:

«Առաջնային առաջադրանքների թվում է Միության ընդհանուր ներքին շուկայի արդյունավետության բարձրացումը, տնտեսական կարգավորման ազգային կանոնների նմանեցումը: Առաջնահերթ ուշադրություն նախկինի պետ կդարձվի ապրանքների, կապիտալների և աշխատուժի ազատ տեղաշարժի ճանապարհին առկա խոչընդոտների վերացմանը»,- ասել է Պուտինը:

Նրա խոսքով՝ Ռուսաստանը՝ որպես նախագահող երկիր, ևս մեկ առաջնահերթություն է ներկայացնում, որն է հեռանկարային թվային ծրագրերի իրականացումը ինտերնետային վաճառքի, ապրանքների տեղաշարժին հետևելու տեխնոլոգիաների, տրանսպորտային միջանցքների ստեղծման ոլորտներում:

Պուտինը տեղեկացրել է նաև, որ ԵԱՏՄ շուկաներում ծառայությունների ընդհանուր ծավալի 60 տոկոսը տարեվերջին կկարգավորվի միութենական օրենքի հիման վրա: